Մահացել է Էդուարդ Հարությունյանը

Մահացել է Էդուարդ Հարությունյանը

Երեկ մահացել է հայտնի բասկետբոլիստ և մարզիչ Էդուարդ Հարությունյանը:

Էդուարդ Հարությունյանը ծնվել է 1948թ. հունվարի 1-ին Գյումրիում: 1971թ. ավարտել է Ֆիզիկական կուլտուրայի հայկական պետական ինստիտուտը:

Հարությունյանը երկար տարիներ հանդես է եկել ՖԻՄԱ բասկետբոլային ակումբի կազմում: ԽՍՀՄ առաջին և բարձրագույն խմբերի մասնակից է: ՀՀ բազմակի չեմպիոն:

1970 թվականի համաշխարհային ուսանողական խաղերի 3-րդ և կենտրոնական խորհրդի առաջնության 2-րդ մրցանակակիր է:

Էդուարդ Հարությունյանը գլխավորել է կանանց ՝ «Հատիս»,տղամարդկանց ՝ «Ուրարտու», ինչպես նաև Երևանի «ՖԻՄԱ» կանանց և տղամարդկանց ակումբները: ՀՀ վաստակավոր մարզիչ է և ԽՍՀՄ սպորտի վարպետ:

Հայաստանի բասկետբոլի ֆեդերացիան խորին ցավակցություն է հայտնում լեգենդար բասկետբոլիստի ընտանիքի անդամներին, հարազատներին և բարեկամներին: