«Երևան Բասկետ»-ն առավելության հասավ «Արցախ»-ի դեմ խաղում

VBET Հայաստանի կանանց առաջնության 2021/22 թթ. մրցաշրջանի հերթական խաղում «Երևան Բասկետ»-ը տոնեց իր երրորդ հաղթանակը՝ 79-71 հաշվով առավելության հասնելով «Արցախ» ակումբի նկատմամբ:

Հանդիպման ամենաարդյունավետ բասկետբոլիստը Կիանա Գլենն էր (Երևան Բասկետ)՝ վաստակած 22 միավորով: Նա նաև կատարեց 4 արդյունավետ փոխանցում:

«Արցախ»-ի կազմում Սեդա Գաբրիելյանը թրիփլ-դաբլ է ձևակերպել՝ 19 միավոր, 12 անդրադարձ և 10 գնդակի խլում:

Հաջորդ հանդիպումը տեղի կունենա դեկտեմբերի 18-ին. ժամը՝ 12:00-ին «Լես Ֆոքսիս»-ը կընդունի «Գյումրի»-ին: