Կանանց Հայաստանի Մ16 հավաքականը հաղթեց Ջիբրալթարին
2023-07-18 18:47
Կանանց Հայաստանի Մ16 տարեկանների հավաքականը սկսեց իր ելույթները Եվրոպայի առաջնության C դիվիզիոնի A ենթախմբում:
Առաջին խաղում Հայաստանի հավաքականը 99-36 հաշվով հաղթեց Ջիբրալթարի հավաքականին:
Հանդիպման ամենաարդյունավետ խաղացողը Սեդա Գաբրիելյանն էր՝ վաստակած 33 միավորով: Նա նաև 9 անգամ տիրեց օղակից անդրադարձող գնդակին և կատարեց 8 արդյունավետ փոխանցում:
Հայաստանի հավաքականը երկրորդ հանդիպումը կանցկացնի հուլիսի 19-ին`մրցելով Մալթայի հետ: